Veg Sizzler | વેજ સિઝલર

 

વેજ સિઝલર

સામગ્રી

૨૦-૨૫ આખા મરચા, 

૨ મોટાં ટમેટાં, 

૨-૩ મોટી ડુંગળી, 

૨-૩ કેપ્સિકમ, 

૧ મધ્યમ આકારનું ફ્લાવર, 

૨ ચમચી કોર્નફ્લોર, 

૧/૨ ચમચી સફેદ મરચુ, 

૧/૪ ચમચી આજીનો મોટો

સ્વાદ મુજબ મીઠું, 

૧ કપ સરકો, 

૨ ચમચા હોટ ચિલી ગાર્લિક સોસ, 

કોબીજનાં ૫-૬ પાન, 

૮-૧૦ લસણની કળી.

રીત : 

ટમેટાં સમારી લો. કઢાઈમાં માખણ ગરમ કરો. તેમાં ટમેટાં નાખીને ૩-૪ મિનિટ સુધી સાંતળો પછી તેમાં હોટ ચીલી ગાર્લિક સોસ નાખીને ૨ મિનિટ સુધી સાંતળો.એકબીજા ફ્રાઈન પેનમાં ૧ ચમચી માખણ ગરમ કરી તેમાં ડુંગળી અને કેપ્સિકમ ગુલાબી રંગે સાંતળી તેન ટમેટાં સોસમાં નાખી દો. ફ્લાવરને સમારી ૫ મિનિટ ગરમ પાણીમાં રાખો. તેને પ્લેટમાં કાઢીને કોર્નફ્લોર, મીઠું, સફેદ મરચું, આજીનોમોટો નાખી ૧૦-૧૫ મિનિટ સુધી રહેવા દો. એક કઢાઈમાં તેલ ગરમ કરો તેમાં ફુલાવરને સોનેરી રંગે તળો. હવે ૧ ચમચી કોર્નકૂલોર ૨-૩ ચમચી પાણીમાં ઘોળી તેને કેપ્સિકમમાં મિક્સ કરો. તેજ આંચ પર પાણી શોષાઈ જાય ત્યાં સુધી શેકો. જ્યારે તેલ છૂટુ પાડવા લાગે ત્યારે ફૂલાવર રાખીને ૨-૩ વખત હળવા હાથે હલાવો. સિઝલરની સામગ્રી તૈયાર થઈ ગઈ. 

હોટ ચિલી ગાર્લિક સોસની રીત : 

૨૦–આખા લાલ મરચાના ડીંટા કાઢીને એક વાસણમાં ૧ કપ સરકો નાખી ૨-૩ ક્લાક રહેવા દો, લસણની કળીઓને છોલી મરચાની સાથે વાટી લો. એક નાની કઢાઈમાં ૨ ચમચી તેલ ગરમ કરી, તેમાં વાટેલું મરચું નાખીને ૨ મિનિટ સુધી સાંતળો. સોસ તૈયાર છે.

સિઝલર પીરસવાની રીત 

સિઝલર ટ્રેની લોખંડની ટ્રે આંચ પર ૧૦-૧૫ મિનિટ સુધી ગરમ કરો. ચીપીયાની મદદથી લાકડાની ટ્રે પર મૂકો, ઉપર ગરમ પાણીમાં પલાળેલી કોબીજના પાન પાથરો. ૨ ચમચી ઓગાળેલ માખણ ટ્રેની ચારેબાજુ પાથરો. જ્યારે ધૂમાડો નીકળવા લાગે ત્યારે સર્વ કરો.